Speaker One:
Taku matemateāone ki ngā kōrero mātātoa a ō tātau tūpuna.
Āta mātakitaki mai whakarongo mai, ā whakautua te pātai e haere ake nei.
[Text on screen: Kōrero o neherā]
Speaker Two:
[Text on screen:I pīrangi a Rata ki te hanga i te aha?]
I pirangi a Rata kite hanga i te aha?
[Music]
Speaker Two:
I mōhio rānei koe, me karakia tātau kia Tāne i mua i te tope rākau?
Ko Rata tētahi kāore i mōhio ki ngā tikanga o te ngahere, māna ēnei kōrero.
Rata:
Ā, kōinei te rākau hei hanga waka mōku.
Speaker Two
Ka topea, ka whakairoirotia e Rata tōna waka.
Ka tō te rā, ka moe a Rata.
Ka rewa ake te rā ka hoki a Rata ki te mahi.
Engari, kua ngaro katoa te waka.
Kua tū anō te rākau.
Ka rapia tōna mahunga.
Rata:
Huh! I ahatia?
Speaker Two:
Pōraru katoa a Rata.
Ka topea anōtia te rākau, ka whakairoiro,ā, he kaha rawa anō tana mahi.
Ka tō te rā, engari kāore a Rata i hoki ki te moe, ka huna kē ia.
I mua tata nei i te rēwana ake o te rā, ka puta mai ngā tamariki mokopuna ā Tāne Mahuta.
Speaker Three: [Wēta]
E tā, he kūare nōna.
Speaker Four: [Mokomoko]
Kāre ia e mōhio ana ki ngā tikanga o te ngahere.
Speaker Five: [Tīrairaka]
Āna, me tuku karakia kia Tāne Mahuta.
Speaker Six: [Kiwi]
Kaua e tope noa.
Speaker Two:
Te kōhete riri a ngā mokopuna ia rātau e whakaora ake ana i te rākau.
Whakamā katoa a Rata, ka puta mai ia i tana wāhi huna.
Ka tuku aroha ia ki ngā mokopuna kātahi, ka tuku karakia ia, kia Tane Mahuta ka rua.
Rata: Voiceover
Tēnei au, tēnei au
Te hōkai nei o taku tapuwae
Ko te hokai nuku.
Ko te hokai rangi.
Ko te hokai a tō tīpuna
Ā Tane nui a Rangi
Speaker Two:
Ka tope anōtia te rakau, ka whakairoiro, ā, he kaha rawa āno tana mahi.
Nā, oti pai ka whakatere ia i tōna waka.
Speaker One:
Te ataahua hoki o taua kōrero o neherā nē?
E kore te puna mātauranga e mimitī, engari ia ka toto mō ake tonu.
I mau ia koutou te whakautu tika ki tēnei pātai?
Speaker Seven:
[Text on screen: I pīrangi a Rata ki te hanga i te aha?]
I pīrangi a Rata ki te hanga i te aha?
Speaker Two:
I pīrangi a Rata ki te hanga waka.