Tamaiti ma le saogalemu Safety – Samoan
E lē ‘o le ulāvavale o tamaiti pe’ā tupu se fa’alavelave ia i latou. Latou te mana’omia le su’esu’eina o ‘auala e saogalemu ai ‘a’o latou su’esu’eina le lalolagi.
Tausi le saogalemu o tamaiti
E mafai ona faigatā le tausiga o le saogalemu o lau tama peā o’o ina ‘avea ma tamaitiiti la’ititi e fia iloa mea i le tu’u o mea i lona gutu, oso, tatala faitoto’a ma ‘a’apa i luga ma tago solo i mea ‘uma e mafai ona pa’i i ai. ‘O nei su’esu’ega ‘uma ‘o se vāega tāua o lona ola tuputupu a’e. E lelei ona va’ai saogalemu ia, ‘ina ‘ia maua le fiafia i le taimi nei o lona olaga.
‘Āfai o ia lava ua o’o ai i se tulaga faigatā, ‘o le fa’asalaga e pei o le pō e leai sana a’oa’oga e maua mai ai. Pau le mea ia saogalemu lona si’osi’omaga ma a’oa’o ina ‘ia iloa ona tausi lona saogalemu.
O mea e mafai ona fesoasoani
“Na sola ese Ruta i le isi aso. Ua alu i le atoa i le tuaoi. Ua ma popole ae ina ‘ua toe fo’i mai ma ou māfaufau e po e na te iloa ai lona ulavale. Ae fai mai sa ia mana’o e va’ai i lana uo ona ave lea i lona potu ina ia matou maua le to’afilemū. Ona matou talanoa lea – ou te manatu na ia lē iloa sa ia faia se mea sese.”
- Māfaufau po’o ā mea e mafai ona tago i ai lau tama peā amata ona totolo, savali na mea ‘uma e mafai ona tu’u i o lona gutu. Tu’u fa’amaualuga mea tāua ma va’ava’ai mea lāiti e mafai ona laoa ai.
- E tatau ona fetaui lelei meata’alo ma lona matua. Fa’aeteete i meata’alo e iai mea lāiti e ono matala ‘ese, pe ono tīgā ai pe’ā lamu ma sisina.
“Fai ma fa’amatala le vevela – i ta’aelega, kuka, mea inu ma isi mea.”
- E tatau ona tu’u fa’amaualuga vaila’au ma vai ‘o’ona o le fale fa’apea fuālā’au ‘uma pe tu’u i se kapoti e lē mafai ona tatala e le tamaitiiti.
- Fai se taimi e a’oa’o ai āmio saogalemu. Fa’amatala manino pe ‘aiseā e lē mafai ai ona faia se mea ma fa’asino i ai se isi faiga. ‘Ia to’afilēmū – ‘e te toe fai i ai le fe’au fa’alua.
- Sasa’a le vai mai le pakete peā ‘uma ona fa’aaoga.
- Tu’u ‘ulo i le matāafi pito i tua ma fa’aū i totonu ‘au – pe fai se pā fa’ata’amilo i le ‘ogāumu.
- Fa’atū se pā i luga o fa’asitepu ma faitotoa ‘olo’o iai se mea e ono lamatia ai tamaiti lāiti.
- Fa’amau fata ma isi mea i le puipui.
- Tu’u ese afi penisini ma afitusi ‘ia ‘aua ne’i maua e tamaiti. A’oa’o lau tama peāfai na te mauaina se afitusi ma se afi penisini ia ‘ave sa’o i se tagata matua.
- ‘Ave’ese le uaea o mea e alu i le ‘eletise, ma sai fa’atasi uaea lusi.
- Fa’aaogā se pā puipui mo afi ma hita.
“Latou te su’esu’e ‘uma ona o se vāega o lo latou tuputupu a’e. Ia maua lo latou
saogalemu.”
“‘A ia sasaina le pusi, fa’asino le milimili lemū ma fai i ai milimili le pusi ma fai ‘ia fai lelei le pusi’.”
Saogalemu i luga o auala
- U’u lima fa’atasi ma ‘aua le tu’u lau tama e tamo’e muamua. Āfai e lē ‘o avanoa ou lima fai i ai e ‘u’u lau ato po’o se vāega o lou ofu.
- Fai se fa’ata’ita’iga lelei. Filifili vāega saogalemu e savali ai i le isi itu ‘auala ma fa’amatala au mea o fai.
- Fesili i so latou manatu po ’o fea e tatau ona savali ai i le isi itu auala. Talanoa i le vāega sili ona lelei e tu ma va’ai ai le feoa’i o ta’avale.
- Āfai ae tamo’e ese lau tama, pe tamo’e i le auala, puipui i latou. Fa’aali i ai lou fefe tele ona o lana mea ‘ua fai. Fa’asino se isi faiga lelei.
- Fa’amatala pe aiseā e tatau ai ona nofo i le nofoa ta’avale i taimi uma e ave ai ia i le ta’avale.
- Fa’amanaia le nofoa. Teuteu i mea fa’apipi’i, ave ni meata’alo e mafai ona ta’alo ai.
- Ia mautinoa e mafai ona lua fevā’ai a’i mai le fa’ata i tua a’o alu le ta’avale.
- Fai se taui o le āmio lelei, ta’u i ai lona lelei tele.
- ‘Aua ne’i alu le ta’avale ae le’i faia le fusipa’u. A tatala e lau tama le fusi, taofi le ta’avale. Fa’amatala e lē alu le ta’avale vagana ‘ua fa’amau le lave.
- ‘Ave’ese mai o lona māfaufau mai le umi o le malaga i ta’aloga ma pese.
- Fuafua se malaga latalata i le taimi moe ‘ina ‘ia tulimoe. Pe o ese vave i le taeao ‘ina ‘ia fia momoe ai.
- Tu’u le nofoa ta’avale i le mea e mafai ona e vave siakiina mai lau fa’aata. Taofi le ta’avale pe’ā mana’o lau tama e te fa’asagasaga atu ia te ia.
“E ese lona fiafia e omiomi le fa’amau i le auala kolosi.”
“Fai sou taimi e a’oa’ao ai āmio saogalemu.”
“Ma te fai so’o atu i la ma tama e lua ma le afa tausaga le matua e ‘aua le so’ona tapunia le faitoto’a. E leai sona malamalama i le uiga o le ma tala ne’i lavea ona tamatama’ilima. Ia ona ma aumaia lea o pi lanumeamata ma matua’i tapuni le faitoto’a ma fa’asino i ai foliga o pi. Ma fa’amatala i ai o le mea lena e tupu i ou tamatama’ilima. Ua ofo ma lē toe tapunia malosi ai le faitoto’a ma fai i isi e fa’aeteete.
‘O aso e lua na soso’o ai na ‘ou maua atu ai ‘ua nofo ma tapuni le faitoto’a i le fale!”
E lagolago e le Tākai mātua ma e tausia fanau ‘ina ‘ia tausia tamaiti i auala lelei ma saogalemu.
Mo nisi fa’amatalaga; taga'i i le upega tafa'ilagi tākai.nz(external link)
Mo nisi fa’amatalaga i lagolago mo mātua taga'i i le upega tafa'ilagi:
Helpful resources for whānau
-
Samoan and Cook Islands Māori baby wall frieze
Use this wall frieze in Samoan and Cook Islands Māori to decorate baby's bedroom, or any space. It has easy ideas on how we can all help pēpi grow an awesome brain.
