Find resources / Articles / Fautuaga mo lagona mamafa tu Tips on stress – Samoan

‘O le faigofie ia ona lagona le mamafa a’o tau fa’amaopoopo le ‘āiga : faataitatiga- tāgāmea, kuka, fa’amamā, amata mai ile "A e o’o atu i le E", mea tau tupe ma isi mau mea. E iai taimi ua tele ai le mamafa o le avega, ua faapena le faigatā o le olaga ona ua foliga lapopo’a mea ma ‘ese le faigatā.

E lē mafai ona puipuia atoa lagona mamafa, ae iai auala e mafai ai ona pūlea ‘ina ‘ia ‘aua ne'i faapopoleina.

“Fai se mālōlōga mai ou tiute fa’amatua”

Fai se taimi mo ‘oe, faitau se tusi mo le 10 minute.

• Mafaufau pe faapefea ona ‘e tali i nisi lu’itau? Talanoa i se isi tagata ma māfaufau i ni ‘auala e mafai ai ona fo'ia.
• ‘O nisi taimi talia “E leai se mea ‘ou te faia i ai, e lē ‘o sa’u fa’afītāuli-ua māmā le avega".
• Fai ni sini e mafai ona ‘ausia. Fa'ataitaiga-‘fa’amamāina o le fale, faatali tapena fa'atasi.
• Fa’amālositino- Taumafai e sāvavali fa’atolu i le vaiaso. Fai ni fa’amālositino o le ta’oto ma nofo i luga fa’alua sefulu i taeao ‘uma pe ‘eli se togālā’au.
• Fai se taimi mo ‘oe. -Nofo ma faitau se tusi mo le 10 minute, pe matamata le TV. ‘Aua le fa’aalua ‘uma le taimi pe’ā momoe lau fānau pe pisi solo e taumafai e fai ni mea, fa’aaogā le taimi mo ‘oe. Se’i le palaka o le telefoni ma tā’ele, tusi i lalo ou lagona, moa le vao, ta’oto’oto i le lā, telefoni sau uō.
• Talanoa i ou uo. Fa'ataitaiga- faapotopotoga Ā’oga ‘Āmata. Talanoa i mātua o tamaiti ‘olo’o ta’a’alo ma lau tama, e ‘āmata mai ai ‘i’inā se faigāuō e mafai ona lagolagoina ‘oe.

• ‘Aua ‘e te faitioina ‘oe lava, e leai lava se tasi e ‘ato’atoa ni ana mea e fai i taimi ‘uma.
• Taumafai e ‘aua le fa’amisa i isi tagata, mānava i totonu ma savali ‘ese.
• ‘Ia mautinoa ‘aua ne’i ‘e maua i le lē lava o le ‘ai, ‘ai tele, tele le inu kofe po’o meainu mālosi.

“Alu i fafo, tatala le fa’amalama ma afai e mafai, alu i se mea o avanoa.”

• ‘O le fa’ataiō e o’o atu ai i se isi tūlaga ma faavevesi ‘uma ai ‘oe ma lau fānau.
• E ui ina faigatā ma lelavā le alu i fafo ma fealua’i. O uō ma aiga o lau fesoasoani sili lea. ‘A ‘e lē iloa se tagata, mafaufau poo a nisi nofoaga e ono e feiloa’i ai i isi matua o lo’o tutusa ma oe – Nofoaga Ta’alo, Kohanga, a’oga ‘āmata ma isi.
• ‘O le lē lava o le moe. Taumafai e ta’oto ma fai se malologa ao momoe lau fanau. Alu vave e moe. Taumafai e ‘aua ne’i e lelavā tele ma faigatā ai mea uma.

‘A’o laiti tamaiti e fōliga mai e tele mea e fai. Taumafai e fa’ata’atia le fa’asologa o au gāluega fai, ina ia ‘aua ne’i faulala’i au feau i luga o isi feau. Sauni e fesuia’i au mea fai pe’ā tupu mai se isi mea. ‘Aua e te popole i galuega i totonu o le fale pe’ā lā le aso, ona mafai lea ona e alu e savali, pe sau se tasi lua te talanoa.

“Ki faaleotele le musika ma siva”

“Alu e tā’ele”

Faata’atitia mea e sili ona tāua. E iai mea e sili ona tāua i lo isi, taumafai e faavasega mea e tatau ona e faia ma faifailēmū mea e lē tāua tele peā iai sou taimi. Faata’atia ni sini lāiti mo ‘oe ina ia e lagona ua māe’a se mea i aso ta’itasi. Se faata’ita’iga -fuafua lou alu e tia’i uma mea i le pusa’aisa ua te’a le taimi fa’aaoga, pe fuafua sou taimi faitautusi i lau tama. A fesiligia ‘oe e te faia se mea e faigatā, fai i ai "leai".

“Fa’amatamata tamaiti i se vitio”